Ц.Болдын блог

Just another WordPress.com weblog

“НОГООН АМЛАЛТ”

Posted by bolod on January 3, 2010

“Хүний хөгжил сан” –гийн тухай хууль батлагдаж, хүн бүрт хувь ч юм уу хишиг ч юм уу тараах боллоо. АН анхлан “Эрдэнийн хувь” гэж нэрлээд иргэн бүрт 1 сая төгрөг тараах тухай амалсан. Миний ойлгосноор байгалийн баялаг ашигласны үр шимийг иргэн бүр тэгш хүртэх учиртай, тиймээс жил бүр иргэддээ ийм хэмжээний хувь хүртээх юм гэсэн. Араас нь МАХН –ын дарга, тухайн үеийн ерөнхий сайд С.Баяр, “Энэ бол бүрэн бололцоотой зүйл” гэж тодотгож байгаад, Бүтэн бас хагастай сая төгрөгийг “Эх орны хишиг” нэрээр олгохоо амалж, батламж хүртэл тараасан, одоо миний ширээн дээр байж л байна. Жил бүр олгох, тэгэхдээ сонгуулийн маргааш л бараг өгөх юм яриад байсан сая сая төгрөгний ханш нь унахын зэрэгцээ мөнгөн дүн нь буураад одоо юу гэнэ вэ дал далан мянган төгрөгийг өгөх болж байх шив дээ. Монголчууд далдрахын 70 гээд 70 насны ойгоо хийдэггүй. Энэ муусайн намууд өөрсдийгөө далдрахын бэлгэдэл болгож 70 мянган төгрөг тарааж байгаа бол харин ч авна шүү.

Ногоон нам ч бас яаж дутах вэ? “Хөгшчүүлд халамж, залуучуудад боломж” гэсэн нэртэйгээр мөнгө амалсан. Амлахдаа хөгшчүүлд л мөнгө олгоё, хавтгайруулж тараахаа больё гэсэн байр суурь баримталж, хөгшчүүлдээ 10 сая төгрөг өгнө гэж үнэ хаясан. Өнөөдрийн байдлаар Засгийн газраас олгохоор болоод байгаа зарчим нь ногоон намын энэ зарчмаар явчих шиг боллоо. Хөгшид хүүхэд гэсэн зорилтот бүлэг нь мөн байна. Хөгшчүүлдээ өгөх нь өгөх л юм байна, гэхдээ 10 сая биш 120000-ыг. Хүүхдүүдэд боломж биш бас мөнгө өгөх юм байна. Гэхдээ хүүхдийн сар бүр олгодог 3000, улирал тутам олгодог 25000 –ыг хасаад, зөрүүлээд 120000 төгрөг өгөх ажээ. Сар бүр олгодог 3000, улирал тутмын мөнгөтэйгөө нийлээд жилдээ 136000 төгрөг болдог байсан бол мөнгөн дүн нь буурчихаад, хүүхдүүдэд түрүүлж мөнгө өгсөн нэр зүүх ажээ. Ердөө л улс төрийн хожоо харсан шийдвэр.

Ногоон нам, залуучуудад боломж амалсан, нөгөөдүүл мөнгө болгоод өөрчилчихлөө. Ногоон нам хөгшчүүлд 10 саяыг амалсан нөгөөдүүл 120000 болгоод багасгачихсан. Гэхдээ МАХН, АН хоёр том том амалж гарч ирчихээд өөрсдийнхөө мөрийн хөтөлбөрийг хэрэгжүүлэхгүй, өөрсдийнхөө амлалтыг биелүүлэхгүй мөртлөө ердөө л анх удаа ганц суудал авсан Ногоон намын амлалтыг биелүүлэх гэж байгаа юм болов уу? Энэ хувилбараар мөнгө тараавал Ногоон намын амлалтыг л биелүүлсэн болчих гээд байна. Яамаар ч юм бэ дээ?

One Response to ““НОГООН АМЛАЛТ””

  1. amur said

    Энэ Энхбат чинь хаашаа янзын нөхөр вэ?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: