Ц.Болдын блог

Just another WordPress.com weblog

Archive for the ‘Сонгууль-2008’ Category

УИХ-ын сонгууль-2008

ХОЁР ҮЗҮҮРТЭЙ ЗҮҮ

Posted by bolod on April 21, 2009

Аль нодлин бичсэн юм. Политикс.мн сайтад тавьсан боловч өөрийнхөө блогт тавихаа мартчихаж. Олон хүн С.Баярыг тэр үед тахин шүтэж байсан, би харин болгоомжилж байсан. Нэг их цэцэн мэргэн, ухаантайдаа биш. Зүгээр л энэ улстөрчдөд итгэж бодохгүй гэдэг үүднээс бичиж байсан байх.

С.Баяр гэх эрхэм их боловсролтой, чадвартай, дипломатач, стратегич, дээр нь шийдэмгий, хурдтай ажилладаг гэсэн имижээр нийгэмд танигдаж олны дэмжлэгийг авч байна. Гэвч хэлсэн ярьсанд нь хий зөрүү гарсаар.

МАХН-ын 25-р ИХ дээр намын дарга, ЗГ-ын Ерөнхий сайдын албан тушаалыг салгах нь зүйтэй гэж санал оруулж, намын дүрмэндээ өөрчлөлт оруулж авсан. Гэвч намын даргын сонгуульд ялангуутаа “Эрх мэдлийг минь олгооч” хэмээн Ерөнхий сайдын албан тушаалыг  шаардав.

ЗГ-ын бүрэлдэхүүн хэт нүсэр, оновчгүй, үрэлгэн бүтэц хэмээн шүүмжилж, бүтцийн шинэчлэлийн тухай ярьсаар байлаа. Харин өөрөө Ерөнхий сайд болонгуутаа, Засгийн газрын бүтэц бол ард түмэнд хүртээлтэй зүйл биш хэмээн мэдэгдэж, өмнөх бүтцийг бараг өөрчлөлгүй, зөвхөн эрхэлсэн сайд гэх ургацаг төдий зүйлийг л танах төдийхнөөр бүтцийн өөрчлөлтөө хязгаарлав. Засгийн Газрын бүтцийг танасан уу, танасан. Яамдын тоо хэвээрээ юу хэвээрээ. Ёстой л хонь бүтэн, чоно цатгалан гэдэг шиг. Read the rest of this entry »

Advertisements

Posted in Сонгууль-2008, Улс төрч | Leave a Comment »

УИХ-ЫН СОНГУУЛИЙН 25-Р ТОЙРГИЙН ПРОГНОЗ

Posted by bolod on February 20, 2009

Энэ прогнозыг сонгууль болохоос бараг 2 сарын өмнө гаргасан бөгөөд сонгуулийн дүнтэй таарсан билээ. Гэхдээ хувь нь яг таарсан гэхээсээ илүүтэйгээр хэн хэн ялах, ямар магадлалтайгаар ялахыг таашлахыг оролдсон шинжилгээний загварт анхаарлаа хандуулна уу хэмээн зөвлөе. 

Нэг. Улс төрчдийн рейтинг

Ерөнхий зүйл

1. 2008 оны 4 сарын 5,6 –ны байдлаар Баянгол дүүрэгт нэр дэвших улс төрчдийн рейтинг дараах байдалтай байна.

 

Нэр дэвшигчид

Авсан санал

Нийт саналд эзлэх хувь

Нийт сонгогчдоос бодсон хувь

Санал луйвардвал

1 Ц.Мөнх-Оргил 

438

12.8

46

46+5=51

2 Х.Тэмvvжин          

354

10.3

37.2

37+5=42

3 Д.Энхбат              

338

9.8

35.5

35.5

4 С.Эрдэнэ   

333

9.7

35

35+5=40

5 Н.Болормаа

327

9.5

34.3

34+5=39

6 Н.Баяртсайхан

295

8.6

31

31+5=36

7 С.Одонтуяа  

285

8.3

29.9

30+5=35

8 Б.Батбаатар       

264

7.7

27.7

28+5=33

9 О.Магнай           

221

6.4

23.2

 

10 П.Цогтбаатар

209

6.1

22

 

11 Ж.Цолмон             

146

4.3

15.3

 

12 О.Даваасамбуу

95

2.8

10

 

13 С.Санжаасvрэн                

86

2.5

9

 

14 Ч.Энхзаяа                

43

1.3

4.5

 

Read the rest of this entry »

Posted in Сонгууль-2008, УЛС ТӨР | 1 Comment »

2007 ОНЫ УЛС ТӨРИЙН НӨХЦӨЛ БАЙДАЛ-10

Posted by bolod on February 13, 2009

АРАВ. Сонгуулийн эргэн тойронд

10.1 Санал өгөхөд нөлөөлөх хүчин зүйл

Сонгуульд санал өгөхөд хувь хүний хүчин зүйл чухал гэж үзсэн хувь (47,7%) маш өндөр гарчээ. Судалгаанд оролцогчид идеаль хариулт өгдөг бөгөөд хувь хүнийг харж байж саналаа өгнө гэсэн хариулт урьд нь ч өндөр гардаг байсан. Одоо ч өндөр хэвээр байна. Гэхдээ энэ байдал нэмэгдсээр, цаашид ч нэмэгдэх хандлагатай гэж ойлгож болно. Респондентуудын хувь хүнийг нь харж саналаа өгнө гэсэн хариулт 2002  онд 31.1% (2000  оны судалгаагаар давхардсан тоогоор 70 гаран хувь) байсан бол өнөөдөр 50 шахуу хувьд хүрчээ. Эсрэгээр намыг нь харж сонголтоо хийнэ гэсэн хувь 2002 онд 11,5% (2000 онд хийсэн судалгаагаар давхардсан тоогоор 50 шахуу хувь) байснаа одоо 16% байгаа нь бараг хэвэндээ байгаа гэсэн үг юм. Энэ 5 хувийг өсөлт гэж үзэж хараахан болохгүй юм. 2002 оны болон 2007 оны судалгаануудыг шууд харьцуулах боломжгүй. 2002 оны судалгаанд 50,8% нь хүн ба намын аль алиныг харгалзан саналаа өгнө гэж хариулсан байлаа. Энэ альтернатив хувилбарыг 2007 оны судалгаанд мөрийн хөтөлбөр гэх зүйлээр сольсон учир шууд динамикийг гаргах гэхээсээ илүүтэй харьцуулан харахад л боломжтой билээ. Намын фон 2004 оны сонгуулиас эхлэн гол зүйл биш болж эхэллээ. Read the rest of this entry »

Posted in Сонгууль-2008, УЛС ТӨР | 1 Comment »

2007 ОНЫ УЛС ТӨРИЙН НӨХЦӨЛ БАЙДАЛ-9

Posted by bolod on February 13, 2009

ЕС. Улс төрийн болж өнгөрсөн үйл явдлуудад өгөх үнэлэлт

9.1 Сүүлийн 6 сарын үйл явдал
 Улс төрийн болж өнгөрсөн үйл явцийн талаарх иргэд, сонгогчдын байр суурь хандлага нь ирээдүйн сонголтыг тодорхойлох чухал шалгуур болдог. Иймээс улс төрд болж буй чухал чухал үйл явдлуудын талаарх сонгогчдын байр суурийг тогтмол тандаж, хэмжилт хийж байх нь псепологийн судалгаанд нэн чухал. Үүний тусламжтайгаар өнгөрсөн алдаа болон амжилтын нөлөөллийг ядаж тойм төдий ч төсөөлөх боломжтой болж байгаа юм. Тэгээд ч сонгогчдын байр суурь хувирамтгай, тухайн асуудлын талаарх байр суурь нь байнга өөрчлөгдөж байдаг. Болж өнгөрсөн үйл явдлын талаарх сэтгэгдэл нь мартагдахаас өмнө ойролцоогоор 6 сарын доторх болж өнгөрсөн үйл явдлын талаарх үнэлгээг тогтоох боломжтой. Үүнээс цааших юм уу, дөнгөж энэ долоо хоногт болж өнгөрсөн үйл явдлын талаарх сэтгэгдэл ихээхэн хувирч нөлөөт толины эфекттэй болсон байдаг. Тиймээс цагт нь, байнга, тасралтгүй хэмжилт хийх нь маш чухал, юугаар ч орлуулашгүй давуу тал болно. Бидэнд сүүлийн гурван жилийн хугацаанд болж өнгөрсөн гол гол үйл явдлуудын талаарх мэдээлэл бий. Үүнийг цуглуулж сайтар анализ хийвэл сонирхолтой үр дүнд хүргэнэ. Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-8

Posted by bolod on February 11, 2009

НАЙМ. Нийгэм эдийн засгийн өнөөгийн байдлын талаарх ерөнхий үнэлэлт

8.1 Төр засгаас хэрэгжүүлж буй бодлогын хэрэгжилт, үнэлэлт

Төрөөс хэрэгжүүлж буй бодлого, зарим ажлуудыг иргэд нэлээд өндөр үнэлж, эерэгээр хүлээж авч байна. Үүнд нийгмийн халамжийн шинжтэй арга хэмжээнүүд болон гадаадад ажиллах хүч гаргах зэргийг нэн тэргүүнд нэрлэх хэрэгтэй. Энэ хоёрыг иргэдийн 40-өөс дээш хувь нь сайшаан хүлээж авч сайн үнэлгээг өгчээ. Өмнө хийсэн дүгнэлтдээ бас нэгэн эргэлзээ нэмэхэд нийгмийн халамжийн бодлогууд нөлөөллөө алддаггүй бололтой. Ялангуяа иргэдийн амьдралын түвшин ийм доогуур байгаа нөхцөлд. Тиймээс үүнийг сайтар нягтлах шаардлагатай болов уу. (Халамжийн амлалтууд сонгуульд онц нөлөөлөхгүй гэсэн таамаглалыг) Гэхдээ энэ нь өмнөхөөсөө сайжирсан гэсэн үнэлгээ болохоос бас ч яг сайн гэсэн үнэлгээ биш гэдгийг санахад илүүдэхгүй. Өмнө нь ямар байсан, одоогийн хүрсэн түвшин ямар байгааг харьцуулан үзсэн байж болох юм. Гэхдээ л эдгээр үзүүлэлт маш өндөр дундажтай гарч байгаа нь санаанд оромгүй өндөр үзүүлэлт болно.  Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-7

Posted by bolod on February 3, 2009

ДОЛОО. Төр засгийн институцүүдэд итгэх итгэл

7.1 Төр Засгийн институцүүдийн үнэлэлт өнөөдөр
 Төр засгийн институцүүдэд итгэх итгэл 2004 оноос хойш эрс унасан байна. Ерөнхийлөгч, УИХ, Засгийн Газар, хууль шүүх, цагдаа бүгд л иргэдээс тааруухан үнэлэлт авч байна. Ийм үл итгэх уурс амьсгал нь нийгмийн сэтгэл зүйг тогтворгүй болгож, маргаашдаа итгэх итгэлийг бууруулж, бухимдах, бүхнийг буруутгах, үзэн ядах явдлыг дэвэргэж байна. Төр засгийн удирдах албан тушаалтан, эрх мэдэлтэн, Их хурал засгийн газрын гишүүд шударга бус зүйлтэй нэр холбогдох, дараа дараалан гарч байгаа төрийн өмч мөнгө хөрөнгө шамшигдуулах явдлууд нь төр засгийн нэр хүндийг эргэн сэхэхгүйгээр доош оруулж байгаа ажээ. Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-6

Posted by bolod on February 3, 2009

ЗУРГАА. Намууд, алдаа сургамж

6.1 Эрх баригч намууд.
 Засгийн эрхийг ээлжлэн барьж ирсэн АН болон МАХН хоёрыг нэг түрийвчтэй болсон, нам дамнасан бүлэглэлүүдэд хуваагдсан, нэг зоосны хоёр тал болсон гэх зэргээр улс төр судлаачид, ажиглагчид дүгнэж, хэлж бичиж байгаа. Энэ талаар иргэд юу бодож байна вэ? Өнөөгийн улс төрд нэг талд нь МАХН, АН гэсэн улс төрийн бүлэглэл, нөгөө талд нь иргэний холбоо хөдөлгөөнүүд гэсэн бүлэглэл сөргөлдөж байна гэвэл Та санал нийлэх үү? гэсэн асуултад 42% нь тийм хэмээн хариулжээ. Харин 24.1% нь үгүй, 33,7% нь хэлж мэдэхгүй хэмээн хариулсан байна. Товчоор хэлбэл хоёр намыг иргэний хөдөлгөөнүүдийн эсрэг талд тавьж үзэхийг иргэдийн олонх нь хүлээн зөвшөөрч байна. Энэ нь бас давхар бусад жижиг намууд өнөөдөр улс төрийн тавцанд нөлөөлөх хүчин биш гэдгийг хүлээн зөвшөөрч байгаа хэрэг юм.  Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-5

Posted by bolod on January 31, 2009

ТАВ. Хөдөлгөөнүүд цаашид яах вэ?

5.1 Хөдөлгөөнүүдэд итгэх үү?
 Энэхүү судалгаагаар улс төрийн нам болон иргэний хөдөлгөөнүүдийг хэд хэдэн асуултаар эсрэгцүүлэн харьцуулж үзсэн юм. Энэ нь ихэвчлэн иргэд сонгогчид хэнд нь илүү итгэж байгаа талаарх асуултаар илэрнэ.

Улс орны хувь заяатай холбоотой асуудлаар намуудад илүү итгэж байна гэж 19% нь хариулсан бол хөдөлгөөнүүдэд илүү итгэж байна гэж 14,1% нь хариулжээ. Нийгэмд хөдөлгөөнүүдийн нэр хүнд нөлөө намуудтай өрсөлдөх түвшинд хүрснийг энэ дүнгээс харж болно. Гэхдээ харамсалтай нь алинд нь ч итгэхгүй байна гэж 29,6% нь хариулсан байгаа нь улс төрөөс залхсан хүнийссэн байдлыг дахин баталж байна. Энэ нь тухайн асуултад хариулсан хариултуудаас хамгийн өндөр хувьтай байгаа бөгөөд намд ч тэр хөдөлгөөнд ч тэр итгэх итгэлээс аль алинаас нь илүү өндөр, цаашилбал нам хөдөлгөөний аль алинд итгэж байгаа (11,6%) хувиас гурав дахин өндөр, харин аль нэгийг нь сонгож итгэл үзүүлэх гэсэн иргэдийг нийлүүлсэнтэй бараг тэнцэхүйц жинг дарж байна. Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-4

Posted by bolod on January 31, 2009

ДӨРӨВ. Сонгуулийн оролцоо

4.1 Нөхөн сонгуулийн туршлага
 НИТХ-ын 33-р тойргийн нөхөн сонгуульд АН-аас нэр дэвшигч С.Эрдэнэ ялалт байгуулжээ. МАХН-аас нэр дэвшигч Гантөгс 41% -ийн санал авсан бол Эрдэнэ 43%-ийн санал авч ялалт байгуулсан байна. Энэ сонгуулийн дүнг, ирэх сонгуулийн өнгийг тодорхойлсон сонгууль боллоо хэмээн намууд мэдэгдэж, АН-ын рейтинг 43% болсон шахуу ойлгож байна. Гэхдээ энэ бол эндүүрэл гэдгийг тэд өөрсдөө ч ойлгож байгаа. Энэ зэргийн PR хийхгүй бол улс төрийн нам байх нь өөрөө утгагүй юм.

Сонгуулийн оролцоог аваад үзвэл 51 гаруйхан хувьтай байх ажээ. Өөрөөр хэлбэл сонгогчдын нэрсийн жагсаалтад бүртгэгдсэн сонгогчдын 49 хувь нь саналаа худалдсангүй. Хэрэв намууд цаашид энэ байдлаараа мөнгөөр сонгууль хийх гэвэл энэ хувь бүр ч буурна. 51 хувиас жоохон л уруудвал сонгууль хүчингүй болох эрсдэлийг дагуулах юм. Дүгнэлт нь мөнгөөр сонгууль хийдэг практикийг халахгүй бол Монгол улс цаашдаа тэртээ тэргүй булхайтай явагддаг сонгуулиа явуулж чадахаа байж, төлөөллийн ардчилал ч үгүй үлдэж мэдэх аюултай ажээ. Read the rest of this entry »

Posted in Сонгууль-2008, УЛС ТӨР | Leave a Comment »

2007 ОНЫ УЛС ТӨРИЙН НӨХЦӨЛ БАЙДАЛ-3

Posted by bolod on January 29, 2009

ГУРАВ. Хэрвээ маргааш сонгууль болбол. Хүчний харьцаа.

3.1 Хэрвээ маргааш сонгууль болбол
47, 48-р асуултаар намуудын сонгуулийн амжилтыг урьдчилан таамаглах оролдлого хийлээ. Ингэхдээ 48-р асуултад зөвхөн парламентад суудалтай намууд төдийгүй ирэх сонгуульд өрсөлдөж болохуйц потенциалт хүчнүүдийг давхар оруулж өгсөнөөрөө онцлог. Хоёр нам нийлээд ойролцоогоор 50%-ийн л саналаа авч, бусад саналыг жижиг намууд болон хөдөлгөөнүүд /шинэ үүсэх намууд/ татаж байна. Хоёр намын авсан нийт 50%-ийн саналаас үлдэж буй бусад 50%-ийн саналаас Гүндалайн АТН (8.2%) болон Оюуны ИЗН (7.2%) –ууд харьцангуй өндөр хувийг татаж байна. Гэхдээ энэ нь хүндийн төв болоход хангалттай хувь хараахан биш. Ердөө л бусадтай харьцуулахад л харьцангуй өндөр байгаа ажээ. Read the rest of this entry »

Posted in Сонгууль-2008, УЛС ТӨР | Leave a Comment »