Ц.Болдын блог

Just another WordPress.com weblog

БИД АМЬД ХҮМҮҮС

Posted by bolod on September 8, 2012

Зунжин номын дэлгүүрээр олигтой сонин байсангүй. Харин саяхан номын дэлгүүрээр шагайтал Айн Рэндийн шинэ ном орчуулагдаад хэвлэгдсэн байна. “Бид амьд хүмүүс” гэдэг нэртэй. Энэ нь түүний анхны бүтээл ажээ. Өмнө нь Айн Рэндийн хоёр ч роман монгол хэлнээ орчуулагдан гарсан билээ. Анхных нь болох “Эх сурвалж”-ийг философич, доктор С.Батчулуун, хоёр дахь нь болох “Атлантын нуруу тэнийв” зохиолыг Ж.Нэргүй орчуулсан санагдана. Read the rest of this entry »

Advertisements

Posted in Шинэ ном | Leave a Comment »

ЦОХ МӨРГӨСӨН

Posted by bolod on August 4, 2012

– Олимп юу болж байна? Мөнхөө:

– Цагаанбаатар эхний дугуйдаа (тойрогтоо) цох мөргөсөн гэсэн.

– Юу, яасан гэнэ ээ?

– Гоц бил үү? хэ хэ

Posted in ХҮҮХДИЙН ЯРИА | 1 Comment »

ОЛИМПИЙН “ДАРХАН” АВАРГА

Posted by bolod on August 3, 2012

Н.Түвшинбаяр дахиад бараг “аварга” болов. Бахархахгүй байхын аргагүй юм. 2008 оны олимпод аварга авахад нь Монгол даяараа бахархсан, шоудсан, бие биенийхээ азтайг гайхсан, согтоцгоосон, эвлэрцгээсэн. Харин дараагийн дөрвөн жилийн турш л түүнийг дахин барилдаж чадах болов уу, барилдлаа ч амжилт гаргаж чадах болов уу гэж эргэлзэцгээж байсан. Яагаад гэвэл олимпийн алтан медаль гэдэг тийм үнэ цэнэтэй, тийм хүнд хэцүү зорилго учраас. Мөн эргэлзэнгээ, Түвшинбаяр ч дээ, азаар л нэг алт авсан байх гэж муулах хандлага ч гарч л байсан. Эдгээр муулж байгаанууд ч гэсэн битүүхэндээ, дахиад алт авчихаасай гэж хүсэж байгаагаа илэрхийлж байгаа нь л тэр биз. Read the rest of this entry »

Posted in СПОРТ | 3 Comments »

ХОЛИМОГ СОНГУУЛЬ, АСУУДАЛ, БЭРХШЭЭЛ, ҮР ДАГАВАР

Posted by bolod on June 28, 2012

Дунд сургуулийн математикийн хичээл дээр хольцын бодлого гэж нэг хэсэг бодлого байх. Хольцын бодлогыг учрыг нь олохгүй бол бодоход бас л ярвигтай олон хүнийг тамласан бодлого байдаг билээ. Нэг учрыг нь олчихвол уг нь ядах юмгүй л дээ. 2012 оны УИХ-ын сонгууль холимог системээр явагдаж байгаа учраас хольцын бодлого шиг төвөгтэй байдал үүсгэнэ. Бүх зүйл холимог байдалтай, дээр нь холион бантантай. 2008 оны сонгууль томсгосон тойрогт мажоритараар явагдахад л олон хүндрэлтэй асуудлууд үүсэж, маргаан будилаан, зөрчил тэмцлийн шалтгаан болж байсан. Гэтэл 2012 оны сонгууль томсгосон мажоритар, дээрээс нь холимог учраас бүр ч төвөгтэй, нийлмэл бодлого болж хувирна. Read the rest of this entry »

Posted in Сонгууль--2012 | 2 Comments »

НЭЭЛТТЭЙ СОНСГОЛ

Posted by bolod on June 26, 2012

АН-ынхан хамтарсан ЗГ-аас гарах болсонтой холбоотойгоор, АН-ын сайдуудыг УИХ-ын чуулганаар бараг л авч хэлэлцсэн, хийсэн ажлынх нь тайланг тавиулж, шүүмжилж баалсан. Энэ үйл явдлыг харж байхад, ер нь ЗГ-ын гишүүдийн хийсэн ажлын тайланг тавиулж ийнхүү хэлэлцэх нь зөв юм байна гэсэн сэтгэгдэл төрж байлаа. Хэн нь юу хийсэн болохыг, эсвэл юу хийгээгүй болохыг шүүн хэлэлцэж, дүгнэж цэгнэх боломж олгодог юм билээ. Гишүүд хэдийгээр, бидний хийсэн ажлын зөв бурууг сонгогчид шүүнэ, сонгогчид дүгнэнэ хэмээн цэцэрхдэг боловч сонгогчдод тийнхүү дүгнэх боломж байдаггүй юм. Учир нь сонгогчдын хувьд мэдээлэл хаалттай, буурал ордон дотор хэн нь юу хийж, юуны төлөө кноп дарсныг тэр болгон цэгнэх үнэлэх боломж маруухан. Харин иймэрхүү “нээлттэй тайлан” хэлэлцүүлэгт адилхан мэдээлэлтэй нөхөд адилхан мэдээлэлтэй нөхдөө шүүн хэлэлцэж, шүүмжилж, мэтгэлцдэг болохоор үнэнд төдий хэр ойр мэдээлэл авах боломжтой юм. Read the rest of this entry »

Posted in УЛС ТӨР | Leave a Comment »

ХУЛГАНЫ ОРНЫ ТҮҮХ

Posted by bolod on June 25, 2012

Эрх баригчдын хэлж ярьж байгааг Леопольд мууртай зүйрлүүлэн бодсон чинь гэнэтхэн “Хулганы орны түүх” санаанд орчихлоо.  Би өөрийн блогтоо бусдын бичсэн зүйл болон бусдын материалыг огт оруулдаггүй боловч зөвхөн энэ бичлэгийг л дөрвөн жилийн тэртээ оруулж байсан билээ. Энэхүү хошигнолын орчуулгыг 2008 оны эхээр найз Хашбаяр маань над руу, “маш их таалагдсан хошигнолыг явуулав” гэсэн тодотголтойгоор явуулсан бөгөөд надад ч гэсэн маш их таалагдсан юм. Энэ орчуулгыг олон хүн өөрийн сонгуулийн сурталчилгаанд ашиглаж байсан бөгөөд Х.Тэмүүжин л лав өөрийн номонд оруулан хэвлэсэн байсан санагдана. Одоо бүр олон хувилбараар, хүн бүр өөрчлөн засаж, хасаж, зарим талаар утгыг нь алдуулан энд тэнд хэвлэсэн байх нь их тааралдаж байна.  Энэ богинохон мөртлөө маш ихийг өгүүлэх хошигнолыг хүмүүст дахин сануулмаар санагдлаа. Орчуулагч Рэгсүрэнгийн Батхүү. (Энэ орчуулгыг цааш нь тараах, олон хүнд хүргэх, хэвлэн нийтэлж болох эсэхийг би найзаараа дамжуулан тухайн үед орчуулагчаас лавлаж зөвшөөрөл авсан. Ямар ч асуудалгүй, гагцхүү жинхэнэ авторын нэрийг дурдаж, линкийг зааж өгөхийг хүссэн билээ.) 

Канадын Шинэ Ардчилсан Намын анхны тэргүүн Томми Дагласын 1944 онд олны өмнө хүүрнэсэн “Хулганы орны түүх” хэмээх улс төрийн хошигнолыг та бүхэнд өргөн барьж байна. Чадварлаг илтгэгч асан түүний өөрийнх нь дуу хоолойг энэхүү хошигнолыг ярьснаар нь та бүхэн энэ хаягаар ороод сонсож болно: http://www.workingtv.com/mouseland.html

  Read the rest of this entry »

Posted in Сонгууль--2012, УЛС ТӨР, ХОШИГНОЛ | Leave a Comment »

ЭХ ОРОН?

Posted by bolod on June 25, 2012

Гудамжаар дүүрэн самбар. Самбар самбартаа, дүүрэн хүндэт самбар. Социализмын үед л хүндэт самбар гээд, гоё гоё нүүрний зурагнууд хадаатай байдаг байж билээ. Гэхдээ арай ч ингэж хаа сайгүй байгаагүй, хамжааргатай байсан. Ийм том том хүндэт самбар харагддаггүй байсан. Хааяа баяраар л сахалтайгаас Маркс, Энгельс, Ленин, сахалгүйгээс Сүхбаатар, Чойбалсан, Цэдэнбал нарын зураг, их үсрээд л улс төрийн товчооны арваад нөхрийн зураг ийм том томоор хүндэт самбарт хадагддаг байсан. Өнөөдөр дуртай болоод мөнгөтэй нь хүндэт самбарт өөрөө өөрийгөө “өлгөж” байна. “Ажилчин” хүний зураг нэг ч алга, дүүрэн цагаан захтнууд. Дандаа цагаан захтнууд бүхий л Монголчуудыг төлөөлөхөөр бусад цагаан захтнуудтайгаа өрсөлдөж байна. Гэр хорооллын гудамжинд цагаан цамц зангиатай, хар туфль жийж костьюм пиджак нөмөрсөн эрчүүд эсвэл үнэт хослол брэндийн хувцсаар гоёж, алт мөнгөн эдлэлээр гангарсан дэгжин шаавай бүсгүйчүүд нэг л зохимж муутайхан. Ленинээс долоон дор. Ленин ядаж хүрз барьж, дүнз мөрлөөд пиараа хийж байлаа. Read the rest of this entry »

Posted in Сонгууль--2012 | 1 Comment »

ХОЁРДОГЧ ҮР ДАГАВАР

Posted by bolod on June 17, 2012

Мах магнаг боллоо гэлцэнэ. Махны үнэ “дийлдэхээ” байлаа хэмээлцэнэ. Манай төрчид бүх юмны үнийг “дийлэх” хүсэлтэй байдагчлан, хэн нэгэн махны үнийг дийлэх санаатай байсан бололтой, Гэвч дөч гаран сая толгой малтай, мал аж ахуйн орон гэгдэх Монголд махны үнэ өссөөр, махны үнийн өсөлт инфляцийг хөөрөгдсөөр. Энэ үнийг төрөөс зохицуулах гэж оролдох тусам, махны үнэ улам гаажтай өссөөр байх юм, шалтгаан нь юу вэ? Зарим нэг нь “төрөөс махны үнийн бодлогыг хатуу хяналтад авах хэрэгтэй” гэж том том дугарч байна. Зарим нь төр оролцсоны улмаас улам их савлуулж хөөрөгдөж байна гэлцэн шүүмжилнэ. Зарим нэг нь хятадууд махны борлуулалтыг хяналтдаа авсан учраас ийнхүү хөөрөгдөж байна гэлцэнэ. Махны үнэ өсөхөд нөлөөлсөн олон шалтгаан бий. Ялангуяа сүүлийн арваад жилд авч явуулсан эдийн засгийн шинжтэй, янз бүрийн бодлогууд үүнд нөлөөлсөн байна. Read the rest of this entry »

Posted in ЭДИЙН ЗАСАГ | 1 Comment »

ЧӨТГӨРИЙН ОРОН

Posted by bolod on June 3, 2012

Цагаан сараар ах дүүс, хамаатан садны баахан хүн ирж, тэдний багачуул охины өрөөнд орж бужигнуулж гэнэ. Айл айлын эрх хүүхдүүд нэг дор бөөн бөөнөөрөө цуглаж, дур дураараа аашилж. Тэднийг саатуулж, зочилж, аяыг нь олох гэсээр Энхээ охин бүр ядарч. Бяцхан дайснууд ч хамаг юмыг нь ухаж, бужигнуулж, сүйтгэж өгөөд явцгааж. Тэднийг явангуут Энхээ охин аавдаа:

-Хүүхэд бурхны орноос ирдэг гэж худлаа байх аа. Чөтгөрийн орноос л ирдэг байх, гэж хэлжээ.

Posted in ХҮҮХДИЙН ЯРИА | Leave a Comment »

ШИНЭ БАГ

Posted by bolod on May 28, 2012

Спортын амьдрал нэг хэсэг бужигнаад түр зур тайвширч эхэллээ. Өнгөрсөн улиралд олон шинэ үйл явдал болж өнгөрөв. Английн хөл бөмбөгийн Примьер лигт “Манчестр Сити” баг түрүүллээ. МанЮ –гийн олон жилийн ноёрхлыг зогсоов. Испанийн хөл бөмбөгийн Ла лигийн аваргаар “Реал Мадрид” баг шалгарлаа. Барсагийн илүүрхлийг эцэс болгов. Аваргуудын лигт “Челси” баг анх удаа түрүүллээ. Японы сумод Цэвэгням түрүүллээ. Бараг 39 настай “хөгшин” маэгашира түрүүлж амжилт гаргалаа. Гайхамшигтай. “Спрайт” Супер лийгийн аваргаар улирлын турш нэг ч хожигдоогүй “Танан” баг шалгарч шинэ дээд амжилт тогтоолоо. “Пепси” Дээд лигийн аваргаар “Баянзүрх Буллс” тодров. Лигийн тэмцээнд анх удаа түрүүллээ. Спорт харьцангуй шударга болохоор, хуучин ул болсон багуудыг шинэ эрч хүчтэй баг тамирчид түрэн гарч ирдэг. Энэ нь энэ жилийн тэмцээнүүдэд бүр ч тодорхой харагдлаа. Бүх юм ёсоороо болж байна. Харин улс төрд л энэ хандлага үгүйлэгдсээр…

Posted in СПОРТ | Leave a Comment »