ҮЕР

Таксинд өвгөн жолоочтой хууч хөөрч явлаа. Энэ жил бороо хур элбэгтэй сайхан зун болж байнаа гэтэл өвгөн толгой сэгсэрч байна. Үгүй дээ та нар мэдэхгүй байна. Уулын оройгоор манан сууж буданшаад, долоо хоногоор намуухан шивэрч ордог байлаа. Сүүлийн хэдэн жилд бороо нь ч олигтой орохоо байж гэм, гээд голонгуй. Овоо устай сайхан бороо ойр ойрхон хэд дахин орлоо шүү дээ гэтэл, энэ борооны ус хөрсөнд шингэж базаасан юм алга, ойрхон зуур их ус асгаж байгаа мэт боловч урсаад л өнгөрчихнө, өвсний үндсэнд базаалтай хүрээгүй байна гэж байна. Би ч дотроо өвгөнтэй санал нийлэхгүй, сайхан бороотой зун болж байна гэж бодсоор буулаа. Миний мэдэхийн л сүүлийн 20 жилд ийм их хуртай бороотой зун бараг болоогүй санагдана.

УНГИРАЛ ХИЙСЭХГҮЙ

Энэ жил зун болох нь уу үгүй юу? Хүүхдийн баяр хаяанд ирчихээд байхад “хөвөнтэй дээл”-нээсээ салж чадахгүй шахуу л байна. Энэ жилийн хавар их урт болж, үе үе хүйтэрч, ерөнхийдөө сэрүүвтэр байсаар л. Яасан дулаардаггүй юм хэмээн өөр хоорондоо хүмүүс хэлэлцэнэ. Ингэж дулаарахгүй байхад бас зарим нэг сайн тал ч байх шиг.