ГОМОРХОЛ

Асашёрю их аварга зодгоо тайлж гэнэ. Япончууд хавчиж, хяхсан л гэнэ. Домогт их аваргуудынх нь түүхэн рекордуудыг эвдээд байгаа болохоор япончууд айсан л гэнэ. Якуза нар нь дарамталсан л гэнэ. Нөгөө талаас, Асашёрю байнга хэл ам таталдаг л гэнэ. Сумогийн дэг жаягийг зөрчсөн л гэнэ. Сумог үл хүндэтгэсэн л гэнэ. Сануулга авсан л гэнэ. Хүн зодсон л гэнэ. Хэн мэдлээ. Ямартай ч их аварга маань зодог тайлсан тухай мэдээ Монголчуудыг гонсойлгов.

АЛЕКСАНДР БЕЛОВ

Монголын сагсан бөмбөгийн СЭНГҮР лигийн тэмцээний нээлтийн арга хэмжээ өнөөдөр боллоо. Энэ нь Монголын сагсан бөмбөгийн холбооноос зохион байгуулдаг дээд лигийн тэмцээн хэмээн нэрлэгддэг аж. Дээд лиг хэмээхийг бодоход доод лиг гэж бас байдаг болтой юм. Бодвол СПРАЙТ лигийг л хэлэх биз. Энэ жил Спрайт лигээс Тулгаа дасгалжуулагчтай TLG13 баг дээд лигд дэвшин орж байгаа, Лидер болон Халлелуяа багууд нэгдэн нэг баг болон оролцож байгаа, тэрчлэн Худалдаа Үйлдвэрлэлийн Дээд сургуулийн нэр дээр сүүлийн удаа баг орж байгаа (7 сарын 1-ээс ХҮДС нь МУИС-ийн харьяа болно) зэргийг энэ жилийн лигийн тэмцээний онцлог гэж хэлж болно. Лигийн тэмцээний нээлтийн арга хэмжээний хамгийн гол баатар нь домогт сагсчин Белов байлаа.

ЧШШШ

Энэ хүүхдийн яриаг, миний блогийн эчнээ танил Амараа бичиж явуулсан байна. Хүүхдийн ярианы цуглуулгадаа нэмлээ.

- Аав нь хүүдээ маш их хайртай.

- Чшш чшш! ээж сонсчихно шүү.

ШИНЭ ҮГ

Цэцэрлэгт ороод хүүхдийн сурдаг зүйл их. Тэр дундаа хамгийн түрүүнд хараалын үгийг сурдаг байна. Нэгэн хүү бусад хүүхдээс хамгийн түрүүнд Пи… гэдэг хараалыг сурчээ. Нэгэн амралтын өдөр гэртээ байсан хүү ээжтэйгээ муудалцаж, ээждээ загнуулаад шаралхан уйлахдаа:

СОНИНГОО

Хоёр хөгшин, айлд ирэхдээ шинэхэн цувдай барин орж иржээ. Хавар дуусч зун эхэлж байсан цаг. Шинэ гэдэс идээгүй удсан гэрийнхэн баярлалдан:

- Яасан СОНИН ГОЁ юм бэ? гэлцэн дуу алдацгааж гэнэ. Урьд нь ийм юм идэж үзээгүй шахуу бяцхан хүү үүнийг сонсож байгаад тэр шинэ гоё идэх юмыг СОНИНГОО хэмээн тогтоож авчээ. Тэр гоё юмыг идэх гээд хүү хүлээж эхэлж гэнэ. Гэдэс арилгаж, цус цутгаж, ороомог хийж элдэвлэх томчуудыг хүлээж хүлээж, тэсвэр алдан, ядаад:

БУРХАНТАЙ ЦАНХААЛАГЧ

Нэгэн залуу хосод хүүхэд тогтохгүй байж. Хүүхэд нь багадаа эндэж, хүн болохгүй зулбаж их л зовжээ. Лам хараар явж, мэргэн түргэн хүн дээр очиж. Тэр нь ч тус болсон уу, сэтгэл дагасан уу, хүүтэй болсон гэнэ. Хүсч хүлээж байж хүүтэй болсон тул аав ээж, өвөө эмээ нь их л эрхлүүлдэг байж. Хүү гурав хүрч овоо том болохын зэрэгцээ, овоо ч дүрсгүй дэггүй болсон байна. Нэг удаа ээж нь хүүгээ загнаж, зөөлөн алгадаад автал, хүү гомдож:

ХУУЛИЙН ЦООРХОЙ

Компьютер техник үүсэж хөгжсөн 60 гаруйхан жилийн хугацаанд программ хангамж сүүлийн 30-аад жилд л өндөр хурдацтай хөгжиж түүний салшгүй нэг хэсэг гэдэг нь хүлээн зөвшөөрөгдсөн. Хүний нийгэм үүсэж хөгжөөд хэдэн мянган жил болсон боловч хууль эрх зүйн зохицуулалт түүний салшгүй нэг хэсэг болон хөгжсөн нь бас л сүүлийн хэдхэн зуун жилд хамаарна.

Өнгөрсөн 2006 онд Их Монгол Улс байгуулагдсаны 800 жилийн ой болж өнгөрсөн. Төрт ёсны уламжлалыг яривал үүнээс ч урт түүхтэй. Гэтэл өнөөдөр Монгол улс ямар байдалтай байгаа билээ. Эртний төрт ёсны уламжлалтай эрх зүйт төр гэж хэлэхэд хүндхэн байдалтай болжээ. 

БУРХАНЫ ОРОН

Нэгэн хүүг өвөө эмээ нь бас л бурхан бурхан хэмээн эрхлүүлдэг байж. Өвөөгийн ч сүнс, эмээгийн ч сүнс хэмээн хэлцэнэ, батлана. Миний хүү чинь бурханы орноос ирсэн гээд л ярьдаг байж. Дүрдээ итгэсэн бяцхан хүү ч, би бурханы орноос ирсэн хэмээн эрхлэх болж.

Өвөө, эмээтэйгээ эрхлэх бяцхан хүүгээ аав нь цаашлуулан:

- Миний хүү өвөө эмээдээ хаанаас ирсэн билээ?

- Бурханы орноос ирсэн.

- Бурханы орон чинь тэгээд хаана байдаг юм бэ?

БУРХАН

Ой гаран настай, дөнгөж хэлд орж байгаа зээ охиноо өвөө эмээ нь их л эрхлүүлж, “бурханчлан тахиж шүтдэг” гэнэ. “Ээжийн бурхан, аавын бурхан, хаана байна” гээд л эрхлүүлнэ. Нэг удаа эмээ нь бас л эрхлүүлж байж:

- Ээжийн бурхан, бурхан, бурхан. Ээжийн бурхан хаана байжээдгийн, хаана байжээдгийн гээд эрхлүүлтэл, зээ охин нь хариуд нь:

БИ БОЛОВСРОЛЫН “ТЭРГҮҮНИЙ БИШ” АЖИЛТАН

Монголын багш нарын баяр дөхөж байна. Боловсролын салбарынхан шилдэгүүдээ шалгаруулж тодруулж, баяраа тэмдэглэж эхэллээ. Боловсролын салбарт ажиллаж, бүхнийг хүүхдийн төлөө зориулж байгаа жинхэнэ шилдэг тэргүүний ажилтан, сурган хүмүүжүүлэгчид зөндөө, тааруухан сулхан нь ч мэдээж бий л байх. Ийм хүнд нөхцөлд, ийм шударга бус нийгэмд, тийм бага цалинтайгаар, тийм үнэнчээр эсхүл тэсвэртэйгээр ажилласаар байгаа “багш дор мөргөмү”.